Çarshia e Gjilanit bëhet me pllaka falenderuese ndaj shteteve që ndihmuan Gjilanin dhe Kosovën

Kryetari i Komunës së Gjilanit, Lutfi Haziri ndjek shembullin e Bulevardit të Famës në Hollywood me vendosjen e emrave në pllaka falenderuese për të ruajtur famën publike të personave me ndikim dhe rëndësi.

Haziri në një postim në llogarinë e tij facebook ka thënë se në kuadër të festave të nëntorit, në Çarshinë e Gjilanit ka vendosur pllaka falenderuese për shtetet që e kanë ndihmuar qytetin e Gjilanit dhe Kosovën.

“Në kuadër të festave të nëntorit, në Çarshinë e Gilanit i kemi vendosur pllakat falënderuese për shtetet që e kanë ndihmuar në vazhdimësi Gjilanin dhe Kosovën si SHBA, Britania, Zvicra, Kanadaja, Gjermania, Italia, Japonia, Franca, Austria, Danimarka, Norvegjia e Kuvajti”, ka njoftuar Haziri.

Ai ka thënë se do të vazhdojnë me vendosjen e pllakave të tilla në mënyrë që gjeneratat e reja t’i kenë të gdhendur emrat e shteteve dhe emrat e njerëzve të cilët kanë dhënë kontribut dhe miqësi për shqiptarët, e në veçanti, për Gjilanin!

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

I accept that my given data and my IP address is sent to a server in the USA only for the purpose of spam prevention through the Akismet program.More information on Akismet and GDPR.

Këtë e pëlqejnë %d blogues: