Bajden emëron anëtarët e ekipit presidencial, Blinken sekretar i Shtetit

Presidenti i Zgjedhur i Shteteve të Bashkuara, Xho Bajden emëroi të hënën anëtarët kyç të ekipit të tij për politikën e jashtme.

Kështu, Entoni Blinken do të jetë sekretari i ardhshëm i Shtetit, Xhejk Sallivan do të shërbejë si këshilltar për sigurinë kombëtare dhe Linda Tomas Grinfilld si ambasadore e Amerikës në OKB.

Bajden zgjodhi gjithashtu Alehandro Majorkas si drejtues të Departamentit për Sigurinë e Brendshme dhe ish-senatorin dhe kandidatin e dikurshëm për president, Xhon Kerri si përfaqësues të posaçëm për çështjen e klimës.

Bajden emëroi gjithashtu Evrill Hejnes drejtoreshë të inteligjencës kombëtare. Më herët ajo kishte qenë këshilltare për sigurinë në administratën e presidentit Obama dhe më herët gruaja e parë si nëndrejtoreshë e CIA-s./Euronews Albania

Related posts

Leave a Comment

I accept that my given data and my IP address is sent to a server in the USA only for the purpose of spam prevention through the Akismet program.More information on Akismet and GDPR.