Kizhevak, vazhdojnë edhe sot gërmimet, dyshime për varrezë masive

Gërmimet në lokacionin e Kizhevak të Serbisë, për gjetjen e mbetjeve mortore të shqiptarëve të vrarë gjatë kohës së luftës në Kosovë nga serbët do të vazhdojnë edhe gjatë ditës së sotme.

Udhëheqësi i Zyrës në Komisionin qeveritar për të pagjeturit, Kushtrim Gara ka thënë se në këtë lokacion kanë qenë të fokusuar për të gjetur varreza masive nga viti 2015, ku më pas edhe janë gjetur mbetjet e para mortore.

Megjithatë, ai nuk ka dashur të japë detaje nga gjetjet e deritanishme për shkak të ndjeshmërisë për familjarët e personave të pagjetur.

Kizhevak është varreza e pestë masive në territorin e Serbisë, por ka edhe disa lokacione të tjera të dyshuara.

Më 16 nëntor, drejtori i Institutit të Mjekësisë Ligjore në Prishtinë, Arsim Gërxhaliu, pati konfirmuar se në varrezën masive në Krizhevak dyshohet se gjenden mbetjet mortore të shqiptarëve të Kosovës./IndeksOnline/

Related posts

Leave a Comment

I accept that my given data and my IP address is sent to a server in the USA only for the purpose of spam prevention through the Akismet program.More information on Akismet and GDPR.