Leonardo Dicaprio përsëri në mbrojtje të lumit

Aktori hollivudian, Leonardo DiCaprio ka mbrojtur edhe njëherë lumin Vjosa në Shqipëri duke qenë shumë i zëshëm nga ndërtimi i hidrocentraleve në këtë lum.

Së fundmi ai ka shpërndarë një tjetër video në llogarinë e tij në Instagram ku numëron më se 50 milionë ndjekës.

Dicaprio shkruan se edhe parlamenti evropian po e nxit autoritetet shqiptare të ndërtojnë “Parkun Kombëtar Vjosa”.

“Vjosa është lumi i egër më i madh në Evropë. Janë 300 kilometra rrjedhje të pandërprera nga burimi i saj në malet në Greqi në detin Adriatik. Lumi është shumë i rëndësishëm për jetën e më shumë se 1,100 lloje peshqish të ujërave të ëmbla dhe nga ana kulturore është po ashtu i rëndësishëm për njerëzit në Shqipëri. Dje, Parlamenti Evropian nxiti autoritetet shqiptare “të krijojnë sa më shpejt të jetë e mundur Parkun Kombëtar Vjosa, duke e zgjatur në tërë gjatësinë e lumit”, shkruan ai.

Më tej në postim ai ka etiketuar edhe llogaritë zyrtare të Edi Ramës, Lulzim Bashës, Monika Kryemadhit dhe Ilir Metës në Instagram.

Related posts