“O sa mirë”, vazhdon Kurti, prezanton Ardiana Matoshin

Kreu i Lëvizjes Vetëvendosje, Albin Kurti, në profilin e tij facebook ka njoftuar për anëtarësimin e mbrëmshëm në Vetëvendosje të aktores shqiptare Adriana Matoshi.

Kurtin përveç që e kemi parë e ndëgjuar tek flet për politikën, e shofim çdo ditë në deklarimet dhe postimet e tija të ndryshme të shfaqet si dashamirë i artit, kulturës dhe historisë tek vlerëson figura të ndryshme dhe sjellë informacione të detajuara për çdo gjë dhe çdo kend.

Ai në postimin e tij, znj. Matoshi, e vlerëson si ndër më të kërkuarat në zejen e filmit në vend.

Më posht Kurti sjell çmimet kombëtare e ndërkombëtare të aktores Adriana Matoshi dhe filmat e shumtë që ajo ka realizuar.

Lexoni pa ndërhyrje postimin e z. Kurti:

O sa mirë!

Adriana Matoshi u anëtarësua mbrëmë në VETËVENDOSJE!. Adriana është një ndër aktoret më të mira shqiptare dhe ndër më të kërkuarat në zejen e filmit në vend. Ajo ka përfunduar studimet në Universitetin e Prishtinës, Fakultetin e Arteve, në klasën e Profesor Faruk Begollit.

Disa nga çmimet e shumta kombëtare e ndërkombëtare që ka fituar janë: çmimi “aktorja më e mirë” për rolin e saj në filmin “Kthimi” të regjisores Blerta Zeqiri, në Brazil, Valencia të Spanjës si dhe në Paris, çmimi “aktorja më e mirë” për rolin e saj në filmin “Zana” në Berlin, dhe në New Jork është shpërblyer edhe për rolin e saj në filmin “T’padashtun”. Përkundër roleve të saj në film, ajo ka luajtur edhe në shumë shfaqje teatrale si “Mësimi”, “Kumbara”, “Dejzilend”, “Shtëpia e Berndarda Albës”, “Këmisha e gjakut”, “Tudje srce”, “Romeo and Juliet”, etj. Adriana është anëtare e Akademisë Evropiane të Filmit, dhe ka qenë drejtoreshë e Teatrit të Gjilanit në vitin 2007 dhe po ashtu edhe kryetare e bordit drejtues të këtij teatri. Ajo ka luajtur shumë role gjatë karrierës së saj, mirëpo roli më i rëndësishëm vazhdon të jetë ai i gruas aktiviste. Adriana Matoshi është në mesin e 41 grave në listën tonë të referendumit për deputete të ardhshme në Kuvendin e Republikës së Kosovës.

Related posts