SHBA: Incident me armë zjarri në një shkollë të mesme në Tenesi

Policia në qytetin Noksvill të shtetit Tenesi njoftoi se ishte thirrur në një shkollë të mesme lokale, pas njoftimeve për sulm me armë zjarri, ku njoftohet se kanë mbetur të vrarë disa viktima.

“Ka pasur njoftime për disa viktima nga armë zjarri, ndër ta edhe një polic i Departamentit Policor të Noksvillit. Në këto momente vazhdojnë hetimet,” tha policia e qytetit përmes një postimi në Twitter.

Pamjet e transmetuara nga kanalet televizive lokale tregojnë ekipe policore dhe të reagimit të shpejtë duke rrethuar shkollën e mesme Austin-East në pjesën lindore të qytetit.

Kanali lokal 10 News njoftoi fillimisht se shkolla ishte nën urdhra të situatës emergjente maksimale dhe se më pas prindrit ishin njoftuar të shkonin të merrnin fëmijët./ VOA

Related posts