Sonte luhet ndeshja Spanjë-Kosovë

Me fillim në ora 20:45, sonte do të shohim më shumë se një ndeshje, është ajo përballja në mes Kosovës dhe Spanjës.

Ndeshja në mes këtyre kombëtarëve zhvillohet në Sevilla, pas shumë debateve për protokollin e takimit.

Spanja kishte përpiluar një protokoll, ku Kosovës i referohet si ‘territor”, ndërsa himnit si “muzikë”.

Federata e Futbollit të Kosovës, kishte refuzuar kategorikisht që futbolllistët dardan ta luajnë këtë ndeshje në këtë mënyrë.

Por, pas ndërhyrjes së FIFA e UEFA, spanjollët ishin pajtuar.

Përkundër kësaj, shumë gazeta në Madrid injoruan emrin Kosovë, përfshirë median më të madhe atje “AS”.

Kosova e humbi ndeshjen e parë 0-3 nga Suedia në “Fadil Vokrri”, për t’i filluar me humbje kualifikimet për kampionatin Botëror “Katari 2022”.

Related posts